- Дугаар
- 21
- Огноо
- Төрөл
- Нийтээр дагаж мөрдөх журам
НИЙСЛЭЛИЙН
ИРГЭДИЙН ТӨЛӨӨЛӨГЧДИЙН ХУРЛЫН
ТОГТООЛ
2024 оны 02 сарын 08 өдөр Дугаар 21 Улаанбаатар хот
Нийслэлийн нутаг дэвсгэрт мөрдөх
таксинаас бусад нийтийн тээврийн үйлчилгээний
төлбөрийн хэмжээг тогтоох тухай
Монгол Улсын Засаг захиргаа нутаг дэвсгэрийн нэгж түүний удирдлагын тухай хуулийн 35 дугаар зүйлийн 35.1.14 дэх заалт, 48 дугаар зүйлийн 48.1 дэх хэсэг, Монгол Улсын нийслэл Улаанбаатар хотын эрх зүйн байдлын тухай хуулийн 8 дугаар зүйлийн 8.3.11 дэх заалт, Авто тээврийн тухай хуулийн 12 дугаар зүйлийн 12.5 дахь хэсгийг тус тус үндэслэн Нийслэлийн иргэдийн Төлөөлөгчдийн Хурлаас ТОГТООХ нь:
1.“Нийслэлийн нутаг дэвсгэрт мөрдөх таксинаас бусад нийтийн тээврийн үйлчилгээний төлбөрийн хэмжээ”-г хавсралтаар тогтоосугай.
2.Тогтоолыг захиргааны хэм хэмжээний актын улсын нэгдсэн бүртгэлд бүртгүүлэхийг Нийслэлийн иргэдийн Төлөөлөгчдийн Хурлын Ажлын алба (Б.Батбямба)-нд даалгасугай.
3.Тогтоолын хэрэгжилтийг ханган ажиллахыг Нийслэлийн Засаг дарга бөгөөд Улаанбаатар хотын Захирагч (Х.Нямбаатар)-д үүрэг болгосугай.
4.Тогтоолын хэрэгжилтэд хяналт тавьж ажиллахыг Хурлын Эдийн засаг, төсвийн хороо (М.Халиунбат)-нд, Засаглал, эрх зүйн шинэтгэлийн хороо (Н.Баярчимэг)-нд тус тус даалгасугай.
ДАРГА Ж.БАТБАЯСГАЛАН
Нийслэлийн иргэдийн Төлөөлөгчдийн
Хурлын 2024 оны 02 дугаар сарын 08-ны
өдрийн 11 дүгээр тогтоолын хавсралт
НИЙСЛЭЛИЙН НУТАГ ДЭВСГЭРТ МӨРДӨХ
ТАКСИНААС БУСАД НИЙТИЙН ТЭЭВРИЙН ҮЙЛЧИЛГЭЭНИЙ
ТӨЛБӨРИЙН ХЭМЖЭЭ
Д/д | Нийтийн тээврийн хэрэгслийн нэр | Хөдөлгүүр-ийн төрөл | Зорчих чиглэлийн нэр | Төлбөрийн хэмжээ /1 зорчигч төгрөгөөр/ | Зорчих давтамж | |
Насанд хүрсэн хүн | Сургуулийн насны хүүхэд | |||||
1. | Автобус | Дизель | Чиглэл харгалзахгүй | 1000 | 200 | Зориулалтын картаар өдөрт 4 удаа, бусад тохиолдолд зорчих бүрд |
Цахилгаан | ||||||
2. | Троллейбус | Цахилгаан | 600 | 200 | ||
3. | Автобус | Дизель | Жаргалант тосгон-Хархорин /ХО14 / | 2600 | 1500 | Зорчих бүрд |
Жич: “Зориулалтын карт”-д нийтийн тээврийн хэрэгслээр зорчиход ашиглах албан ёсны төлбөрийн карт, ахмад настан, хөгжлийн бэрхшээлтэй хүн, оюутан, сурагчийн картыг орно.